Politique

�Gros bras� manao barofo Senatera no atidoha

Politique
Zoma 23 Septambra 2016

Mivoatra ny vaovao manodidina ny herisetra nataon�ny andiana �Gros bras� tamin�ireo mpikambana ao amin�ny hetsika MMF (Malagasy Mivondrona ho an'ny Fanorenana ifotony�

nivory tao Beravina Fianarantsoa ny tolakandron’ny alarobia 21 septambra teo, izay niafara tamin’ny fakana an-keriny lehiben’ny Faritra Matsiatra Ambony nandritra ny tetezamita Raharison Benjamin. Fitolahy no nanafika, polisy mpiambina manokana Loholona am-perinasa ny iray tamin’ireo. Bandy diso fantatra ao an-tanàna ny ambiny, izay nidaroka sady nandrahona ny mpivory tao hipetrapetraka hiandry fifidianana amin’ny 2018. Pastera sy olon-tsotra iray naratra mafy, nampidirina hopitaly. Navory tamina hotely lehibe iray ao Fianarantsoa ireo “gros bras” talohan’ny fanafihana. Mbola novoriana ihany koa izy ireo omaly, fa mety mbola hisy “opération” anio. Nisy omaly fanambarana nataon’ny olobe ao Fianarantsoa handraisana fepetra amin’ireo andiana “gros bras” nanao barofo ireo. Mety ho antso an’efitra anefa ny azy ireo, manoloana ny fihetsik’ireto te hampiseho amin’ny filoham-pirenena fa tsy misy mpanohitra ny fitondrany izany ao Fianarantsoa.

Jean D.