Politique

Governemanta iaraha-mitantana Manome fampitandremana tapa-bolana ny DFP

Politique
Zoma 26 Mey 2017

Vory lanona tetsy amin�ny Panorama Andrainarivo avokoa ny alarobia teo ny ankamaroan�ireo hery politika eto amin�ny firenena taorian�ny antso avo nataon-dry zareo avy anivon�ilay vovonana dinika ho fanavotam-pirenena (DFP)

ny amin’ny tsy tokony hanekena intsony ny hitantanan’ny filoham-pirenena Hery Rajaonarimampianina sy ny antoko HVM samirery ny firenena. Nampahafantarina omaly ary fa hery ho an’ny fiovana (Forces de changement) hametraka izay fiaraha-mitantana vaovao izay no hanantenana ireo hery politika tonga. Tsy manam-potoana loatra intsony isika, hoy ny filohan’ny DFP, afa-tsy tapa-bolana eo satria maika ny raharaha. Ny famerenana ny tany tan-dalana sy fitantanana mahomby ao anatin’ny fanajana ny zon’olombelona, ny mikasika ny fifidianana sy izay manodidina izany, ny fanavaozana ny lalam-panorenana ary ny fametrahana ny fampihavanana tena izy moa no teboka lehibe niompanan’ny dinika izay natao.

Mirija