Politique

Fjkm Sinodam-paritany Ambatondrazaka Vaovao Diakona sy loholona 1380 nijoro vavolombelon�i Kristy

Politique
Alatsinainy 17 Mey 2010

Ambohipihaonan�ireo diakona sy loholona ao anatin�ny sinodam-paritany Ambatondrazaka Vaovao tao amin�ny Fjkm Manakambahiny Famonjena, ny sabotsy 15 mey teo.

Izany dia tafiditra amin’ny isan-kerintaonan’ny diakona sy ny loholona ao anatin’ny sinodam-paritany. Nahatratra 1380 mianadahy izy ireo no niara-niombom-bavaka sy niara-paly noho ny taom-baovao. Fiofanana mahakasika ny fanatsarana ny asa fanompoana an’Andriamanitra izay nentin’ny mpitandrina Andrianoavy Faraniaina no nisantarana ny fotoana. Taorian’ny diabe namakivaky ny tanànan’i Manakambahiny Andrefana dia niroso avy hatrany tamin’ny fotoam-pivavahana izay notarihan’ny Filohan’ny sinodam-paritany Ambatondrazaka Vaovao ny mpitandrina Trimozafy Malemiarisoa Salomon. Nitondra ny tenin’Andriamanitra tamin’izany ny filohan’ny foibe FJKM, ny mpitandrina Rasendrahasina Lala. Nambarany tamin’izany fa ny fiakaran’i Jesoa any an-danitra dia midika famonjena izao tontolo izao. Nohamafisiny fa tokony ho sahy hijoro hatrany ny diakona sy ny loholona ho fitaratry ny kristianina iray manontolo. Noraisin-tanana tamin’io fotoana io ireo mpitandrina vaovao hiasa any amin’iny sinodam-paritany Ambatondrazaka Vaovao iny. Fantatra fa nitombo 6 amin’izao fotoana izao ny isan’ny fiangonana ao anatin’ity sinodam-paritany ity.