Politique

Fitsenana an�i Dada Vonona tanteraka i Vakinankaratra

Politique
Alakamisy 16 Jona 2011

Nafana tanteraka indray ny hetsiky ny Zanak�i Dada Antsirabe omaly alarobia 15 jona tolakandro, na dia somary nampiroaroa saina ireo mpitolona aza ilay fanambarana nataon�i Andry Rajoelina ny talata teo iny, izay maharomotra ny vahoaka ary mitady hiditra amina vela-pandrika hikorontana ny sasany.

Na izany aza dia nanentana ny mpitolona mba ho tony sy hitandrina ireo mpitarika fa tsy mbola mifarana ny tolona raha tsy tonga eto Madagasikara ny filoha Ravalomanana. Nisy ihany koa ny fidirana mivantana an-telefaonina nataon’ireo mpitarika avy aty an-drenivohitra mba hiomanan’ny olona sy ny mpitolona amin’ny fitsenana ny filoha no sady nanamafy fa tsy maintsy ho tonga izy na inon-kidona na inon-kihatra ka hita fa nahafaly ny zanak’i Dada izany.

Ny tsikaritra aloha raha ny ao Antsirabe dia hita fa efa vonona amin’izay fandraisana ny filoha Ravalomanana izay ny akamaroan’ny olona satria dia nitondra mangidy mihitsy ity Faritra Vakinankaratra ity tao anatin’izay roa taona nitondran’ny FAT izay. Marihina moa fa anisan’ireo faritra be mpamokatra samihafa ary orinasa ny ao Antsirabe saingy be no nikatona ka nahavery asa ny olona ary amin’izao fotoana dia manjaka ny mpanararaotra ka izay tian’ny mpividy no ividianana ny vokatry ny tantsaha sy ny mpiompy ka saika maty antoka sy mitaraina ny tantsaha fa tsy misy mpihaino nefa tsy afa-manoatra.

Caïus R.