Politique

Fitsapan-kevi-bahoaka Volan�ny Unesco no hanaovana azy ?

Politique
Talata 05 Oktobra 2010

Mandeha ny feo ankehitriny fa volan’ny Unesco natokana hampiroboroboana ny sehatry ny fampianarana eto Madagasikara no angalana hanaovana ny fitsapan-kevi-bahoaka kasain’ny FAT hotanterahina ny 17 novambra ho avy io. Raha nangata-panazavana sy mangarahara amin’ny loharanom-bola handoavan’ny FAT ny karaman’ny mpiasa sy hampandehanana ny raharaham-panjakana ny fiarahamonina sivily ny volana aprily 2010, ka nametraka fanontaniana miisa sivy, dia tsy nahazoam-baliny izany. Any am-pitetezana faritra anefa ny mpitondra FAT dia mamerimberina fa misy ny vola ary manam-bola ny fanjakana amin’ny hanaovana fotodrafitrasa. Raha ity loharanom-baovao ity anefa dia vola natokana ho an’ny ministeran’ny fanabeazam-pirenena izay hanombinana hanaovana fifidianana. Vola be mihitsy ilay izy. Izay sampandraharaham-panjakana manambola izany no hangalana hanaovana fihetsiketsehana politika. Ny mpiasa tao amin’ny Cnaps moa dia velon-taraina mihitsy farany teo fa vola tao no nakana nanaovana ny Kaonferansa nasionaly ireny. Mbola ho avy ihany koa ny an’ny hafa atsy ho atsy. Ho hita eo ny tohin’izany !