Politique

Fitsapan-kevi-bahoaka amin�ny 12 aogositra �Tsy feno fepetra maha demokratika azy�, hoy Razafindrabe Ernest

Politique
Alarobia 12 Mey 2010

Nitondra ny heviny manoloana ny datim-pifidianana navoakan’ny CENI momba ny fanatontosana ny fitsapan-kevi-bahoaka andaniana ny lalàmpanorenana vaovao ny filohan’ny Kmf/Cnoe, Razafindrabe Ernest. Nambarany fa soso-kevitra ihany no naroson’ny CENI fa ny fitondrana no tompon’ny teny farany. Kely rahateo ny finoany ny hitazonana io datin’ny 12 aogositra 2010 noho ny tsy fahafenoan’ny fepetra. «Telo volana katroka mialoha ny datim-pifidianana no tokony hivoahan’ny didim-panjakana miantso ny vahoaka hifidy. Raha tsy mivoaka anio 12 mey farafahatarany izany io didim-panjakana io dia tsy ho tontosa ny fifidianana. Ankoatra izay dia tsy fantatra mazava izay lalàmpanorenana halototra holanian’ny vahoaka amin’io. Tsy ho feno mihitsy, araka izany, ny fepetra maha demokratika sy marina izay fifidianana hatao eo raha tazonina io daty io».

Ankoatra izay dia toheriny koa ny fanankinana ny fandrafetana ny volavolan-dalàmpanorenana amin’ny «Comité Constitutionnel». Ho azy dia ny daholobe mandritra ny fikaonandoha nasionaly no miara-misalahy amin’ny fandrafetana izany ary rehefa vita izay vao miditra an-tsehatra ity komity mitondra ny fanatsarana.

Yves