Politique

Fisakana tsa hanim-boay Tsy hifanavaka loko politika eny Soanierana rahampitso alina

Politique
Alakamisy 02 Martsa 2017

Mihetsika toy ny isan-taona ny terak�i Fisakana tsa hanim-boay ka hifampiarahaba noho ny fahatrarana ny taona vaovao 2017 amin�ny dihy alina eny amin�ny Cemes Soanierana.

Andiany faha-6 ity hotanterahina rahampitso alina io, ka ireo izay mahatsapa fa zanaky ny Distrikan’i Fandriana dia mifamotoana eny avokoa. Ny “Association Aina” no tompomarika amin’ny fandavorariana ny lanonana izay nametraka ny fitokisana feno amin’ingahy Francis Turbo sy ny Génération Mars amin’ny fanafanana sy ny fanentanana samihafa.

Fanao isan-taona izy io mba hifankalalan’ny samy “ahatagny an-tanàna” no koa hisian’ny firaisankina misimisy kokoa, fa etsy andaniny hifangaroan’ireo Vato nasondrotry ny tany amin’ny valala tsy mandady harona satria Fisakana dia iray ihany na any an-toerana na aty am-pielezana. Toy ny fahita isan-taona, tonga manatrika sy mandray anjara mavitrika amin’ny lanonana tahaka izao ireo Ben’ny tanàna avy amin’ny kaominina 15 any amin’ny distrikan’i Fandriana. Porofo izay fa tsy anavahana loko politika na firehana io lanonana io fa dia natao hampiray sy hampitambatra, indrindra fa hifaliana noho ny fahatrarana ny taona vaovao.

Ntsoavina Evariste