Politique

Firaisankina ho an’ny fanavotana an’i Madagasikara “Lozabe ny fijanonan’io fitondrana io eo !”

Politique
Zoma 07 Jolay 2017

Manoloana ny toe-draharaham-pirenena ankehitriny dia milaza ry zareo avy eo anivon’ny vovonana firaisankina ho an’ny fanavotana an’i Madagasikara tarihin’ny filoha mpiara-mitantana Manantsoa Victor sy Joseph Yoland fa lozabe ho an’ity firenena ity ny mbola hijanonan’ny fitondrana ankehitriny eo amin’io toerany io.

Araka ny nambaran’ny minisitra teo aloha, Manantsoa Victor, dia miha ratsy ny toe-draharaha ary efa tsy zakan’ny filoham-pirenena intsony ny mifehy azy. Mampalahelo ny fanakanana ny fankalazana ny faha-15 taonan’ny antoko Tiako I Madagasikara izay tokony hatao eny Mahamasina amin’ny sabotsy. Ben’ny tanànan’Antananarivo i Lalao Ravalomanana ka tsy mahagaga raha i Mahamasina no nofidiany omena amin’ny fankalazana ity fety ity. Resaka demokrasia izany ary tokony halalaka amin’ny fanehoan-kevitra ny rehetra. Tsy mety intsony, hoy izy ireo, ny hijanonan’izao fitondrana izao eo amin’ny toerany ary efa maro ny hetsika politika manohitra izany ary afaka hitambatra. Ankoatra anay sy ny Force de changement, hoy ny tenany, dia efa henonay koa fa miaraka amin’ny fiombonamben’ny eveka sy ny FFKM ny ao Fianarantsoa.

J. Mirija