Politique

Fikatsahana demokrasia Manohana ny olom-pirenena ny eoropeanina

Politique
Alakamisy 15 Septambra 2016

Nanao jery todika ireo asa vitany nanomboka ny volana jolay 2015 no nakanty omaly ny Incipals ka lohahevitra nentina niasa tamin�izany ny hoe : �Fiarahamonina sy haino aman-jery, mivoy filaminana sy fitoniana ary mamporisika ny fandraisan�anandraikitry ny olom-pirenena�.

Tetsy amin’ny ivontoeran’ny kolontsaina Malagasy na IKM Antsahavola no nanaovan’izy ireo izany ary dia nanambara moa ny tompon’andraikitra fa maro ny lesona azo notsoahina ho fanohizana ny tetikasan’izy ireo. Nampatsiahivina tamin’ity fotoana ity fa tanjona fototr’ireto vondron’olom-pirenena ireto ny hanome tanana amin’ny fametrahana fitoniana sy hampanjary ireo dingana ho fametrahana ny demokrasia eto Madagasikara. Araka ny fantatra ihany koa dia vatsian’ny vondrona eoropeanina vola be mitentina hatrany amin’ny 3 miliara ariary ity hetsika ity ary anisan’ny hanentana sy hanabe ny mikasika ny resaka fifidianana ho avy tsy ho ela eto amintsika hikatsahana ny fampanjariana izay resaka demokrasia izay.

Mirija