Politique

Fikambanana Mientana ho an�ny Demokrasia eto Madagasikara Miantso ny vahoaka handrotsaka ny vato TSIA

Politique
Alakamisy 11 Novambra 2010

Fanambarana miezinezina izay miantso ny vahoaka mba handrotsaka ny vato TSIA amin’ny fitsapan-kevi-bahoaka hotontosaina ny 17 Novambra ho avy izao no nataon’ny fikambanana MDM na ny Mientana ho an’ny demokrasia eto Madagasikara tetsy amin’ny Mon gouter Andrefan’Ambohijanahary omaly alarobia. Noho ny fizirizin’ny FAT amin’ny heviny izay zary lasa didy jadona no nahatonga ity fikambanana ity handray ny fanapahan-kevitra taorian’ny antso avo nataon’ny fikambanana fa tsy misy afa-tsy ny fanohizana amin’ny fiaraha-midinika isan-tsokajiny ihany no hany vahaolana tokana hivoahan’ny firenena amin’ny krizy. Tsiahivina fa efa hatreny am-piandohana no nanohitra ity fitsapan-kevi-bahoaka kasaina hotontosaina amin’ny heriny omaly ity, ny MDM. Maro tsy tambo isaina no anton’izany toy ny tsy fahampian’ny fotoana hampahafantarana sy hanazavana amin’ny olom-pirenena ny votoatin’ny lalampanorenana, ny tsy fisian’ny rafitra afaka miantoka ny fahadiovana sy ny fangaraharahan’ny fifidianana izay mbola miankina amin’ny rantsa-mangaikam-panjakana ihany…Marihina fa manentana ny olom-pirenena rehetra mba hifidy ny MDM saingy handrotsaka ny vato TSIA kosa. Ao anatin’izany anefa dia miantso ny fikambanana rehetra mitovy fomba fijery aminy sy ny mpikambana MDM manerana ny Nosy ity fikambanana ity mba hiara-hisalahy amin’ny fanaraha-maso akaiky ny fizotry ny fifidianana amin’ny lafiny rehetra.

Pati