Politique

Fikambanana GTDH Miantso ny FAT hanaja ny zon�olombelona

Politique
Talata 09 Aogositra 2011

Miha nahazo vahana ny fanosena ny zon�olombelona ankehitriny, indrindra ao anatin�izao krizy izao.

Raha tsiahivina dia nanameloka ny FAT tamin’ny alalan’ny fanambarana ny fitondrana amerikanina izay nilaza fa manana porofo amin’izany. Etsy andaniny dia tsikaritra eny anivon’ny fiarahamonina koa ny tsy fanajana ny zon’olombelona ka anisan’ny mateti-pitranga ny fanolanana mahazo ny ankizy, ny fampiasana zaza tsy ampy taona ary ny fanondranana mpiasa an-tsokosoko any ivelany. Ao koa ny tsy fahazoan’ny Malagasy maro mahazo ireo zo fototra toy ny sakafo ara-dalàna sy fiainana milamina ary ny fahazoana fanabeazana sy fahasalamana araka ny tokony ho izy. Manoloana ireo tranga mamoehatra ireo dia manao antso avy amin’ny fitondrana izay tomponandraikitra voalohany eto amin’ny firenena mba hampihatra ny lalàna mifehy ny zon’olombelona ny fikambanana GTDH (Groupe de Travail sur les Droits de l’Homme). Mitaky ny famaritana politika mazava mba hamongorana hatramin’ny fakany ny fanitsakitsahina ny zon’olombelona eto Madagasikara koa ity vondrona ity. Efa tamin’ny taona 1996 no niforona ity fikambanana ity saingy tsy dia maneho hevitra matetika loatra izy ireo.

Yves