Politique

Fikambanana Grand-Tana Voafidy ho filoha i Lalao Ravalomanana

Politique
Talata 08 Novambra 2016

Nivory voalohany omaly tolakandro tetsy amin�ny lapan�ny tan�na Analakely ny fikambanan�ireo ben�ny tan�na eto Antananarivo sy ny manodidina.

Tafiditra ao anatin’izany ny distrikan’Avaradrano, Atsimondrano ary Ambohidratrimo. Izy ity moa ilay antsoina hoe Grand-Tana. Voafidy ho filoha mitarika ny fikambanana Rtoa Lalao Ravalomanana ben’ny tanànan’Antananarivo Renivohitra, izy rahateo no nanana fandaharanasa fanohanana sy fiaraha-miasa amin’ireo kaominina manodidina ny renivohitra ary efa nisy ny asa natomboka tamin’izany. Niaiky ny rehetra fa tsy misy mahavita tena irery fa tsy maintsy mifanohana. Mila an’ireo kaominina manodidina amin’ny famatsiana azy ara-tsakafo Antananarivo Renivohitra. Mila ny traikefa ananan’ny mpitantana ny renivohitra koa anefa ireo ben’ny tanàna hafa ireo amin’ny fikarohana mpiara-miasa sy mpamatsy vola, ohatra. Hiaraka hiainga hampandroso an’Antananarivo moa no tanjon’ity fikambanana ity; araka ny fanazavan-kevitra omaly teny amin’ny lapan’ny tanàna.

Nangonin’i RTT