Politique

Fikambanana FITEVA Nahavory firehana samihafa

Politique
Alatsinainy 10 Aprily 2017

Azo ambara fa tontosa ny fanambin�ny fikambanana FITEVA na Fikambanana Ifanampian�ny TErak�i VAkinankaratra sampana

Antananarivo Renivohitra notarihan’ny filohany Randriamanantsoa Lalajaona tamin’ny nanatontosany ny hetsika « Fihaonambe Fiteva 2017 » izay notontosainy tetsy amin’ny ANS Ampefiloha ny sabotsy 8 aprily teo. Ankoatra ireo mpikambana avy ao amin’ity sampana ity mantsy dia saika tazana tao avokoa ny ankolafin-kerim-pikambanana sy politika misy avy amin’ity Faritra ity ka nahitana ny filohan’ny Antenimierandoholona, Honoré Rakotomanana, izay filoham-boninahitry ny fikambanana nitendry zavamaneno nanentana ny rehetra tamin’ny « Mifankatiava ihany ». Dia izay fifankatiavana izay sy ny fampandrosoana ny faritra mba hotahafin’ny Faritra hafa rehetra no noventesiny tamin’io andro io mba handrosoan’i Madagasikara dia horesentsika ny fahantrana, hoy izy. Nisy moa, araka ny efa voalazan’ny fandaharam-potoana, ny fizarana sakafom-pihavanana sy fizarana mari-pankasitrahana ho an’ireo nahavita be tao amin’ny fikambanana. Ny fanomanana ny faha-60 taonan’ny fikambanana kosa no notsindrian’ny filoha nasionaly Ratovo Abel Henri mafy.

Ntsoavina Evariste