Politique

Fihaonana Ravalomanana- Rajoelina : tsy mbola ofisialy

Politique
Alatsinainy 19 Aprily 2010

Mandeha be ny resaka tato ato fa hisy ny fihaonana eo amin’ny filoha Ravalomanana sy ny filohan’ny FAT Andry Rajoelina, atsy Afrika Atsimo. Hatreto anefa, araka ny vaovao avy amin’ny ankolafy Ravalomanana dia tsy mbola nisy iraka na olona nirahin’ny ankolafy Rajoelina hilaza izany tamim-pomba ofisialy momba ny fihaonana kasainy hatao any Afrika Atsimo. Hatramin’izao, araka ny fanazavan’ny mpitondra tenin’ny ankolafy Ravalomanana dia tsy mbola nisy fifandraisana ofisialy. Manamafy moa ny ankolafy Ravalomanana, araka ny vaovao nampitain’i Guy Rivo Randrianarisoa fa tsy mitsahatra ny mitady vahaolana ao anatin’ny firahalahiana sy ny fanajana ny soatoavina Malagasy ny firehana Ravalomanana. Manantitra ihany koa izy ireo fa tsy avy aminy velively ny hampirisika olona hiditra amin’ny herisetra fa ny soa ho an’ny Malagasy no katsahiny.

Nangonin’i Soa