Politique

Fihaonambe faha-25 Frantsa-Afrika Sady tsy voaasa no tsy voasolo tena ny FAT

Politique
Alatsinainy 31 Mey 2010

Hotanterahina anio sy rahampitso any Nice, atsimon’i Frantsa, ny fihaonambe faha-25 ho an’ny Frantsa-Afrika. Tsy voaasa ary tsy voasolo tena amin’ity fihaonana ity i Madagasikara, na naniry mafy ny ho amin’izany aza i Andry Rajoelina toy izany koa i Lafrantsa mpampiantrano.

Ho an’i Andry Rajoelina sy ny FAT tarihiny dia mitambesatra amin’izy ireo ny sazy iraisam-pirenena nataon’ny Firaisambe Afrikanina. Tsy mandray anjara amin’ity fihaonana any Nice ity koa ny filoha Ouganda, Yoweri Museveni, Omar el-Béchir (Soudan). Misy ny fanenjehana iraisam-pirenena mihatra amin’ity farany nanomboka ny 4 martsa 2009 noho ny raharaha nahafatesana olona maro any Darfour, na izany aza dia hanana solontena izy ireo. Fa anisan’ny olobe tsy ho avy any Nice amin’ity Frantsa-Afrika ity koa i Laurent Gbagbo (Côte d'Ivoire), toy izany koa i Robert Mugabe (Zimbabwe).

Nangonin’i Jean D.