Politique

Fifidianana Tokony hitovy ny vaovao azon�ny rehetra, hoy i Alain Tehindrazanarivelo

Politique
Zoma 01 Febroary 2013

Efa tokony hiroso amin�ny fiantsoana ny mpifidy rehetra feno 18 taona ny governemanta manomboka ny 08 febroary ho avy izao, araka ny hevitr�i Alain Tehindrazanarivelo, mpikambana eo anivon�ny Filankevitra ambonin�ny tetezamita, ho fanajana ny telo volana mialoha ny datim-pifidianana voatondro ny 8 mey.

Amin’io 8 febroary io ihany koa no tokony hampahafantarana ny rehetra ireo karazam-pifidianana hotanterahina eto amin’ny firenena sy ny fotoana hanatanterahana izany. Ankoatra ireo, hoy ihany ity mpikambana eo anivon’ny CST ity dia tokony ho fifidianana manara-penitra no hatao. Tokony ho ny 98%-n’ny mpifidy hoy ihany izy no tafiditra ao anatin’ny lisi-pifidianana farafaharatsiny ka aorian’ny famoahan’ny CENI-T ny lisitra mikasika izany dia tokony handray ny andraikiny ny tsirairay hanamarina ny anarany raha tiana tokoa ny hisian’ny fifidianana eto amin’ny firenena. Mitaky fahavononana betsaka avy amin’ny tsirairay izany, hoy i Alain Tehindrazanarivelo raha mbola resaka hafa ny fametrahana ny fitoniana eto amin’ny firenena ary ny fahalalahana sy ny fampitovian-jo eo amin’ny lafiny serasera. Tokony hitovy ny vaovao ho azon’ny rehetra, hoy ihany ity filohan’ny antoko ENINA ity mba tsy hitanila.