Politique

Fiandrianam-pirenena Mpanentana 700 mianadahy no hitety trano

Politique
Alatsinainy 12 Jona 2017

Mpilatsaka an-tsitrapo 700 mianadahy mianaka no indray hihetsika mialoha sy mandritra ny fetim-pirenena 26 jona ho avy izao.

Efa nanomboka ny 05 jona lasa teo ireo 500 mianadahy no nitety ireo tokantrano eto an-drenivohitra sy ny manodidina mba hanangan-tsaina raha efa misy ihany koa ny any amin’ny faritra. 100 kosa no hifanotrona amin’ny ORTANA mandritra ny karnavaly izay hotanterahin’ireto farany amin’ity herinandro ity raha handrindra ny fampidirana ny olona mba hijery matso sy fampisehoana etsy Mahamasina mandritra ny fetin’ny 26 jona kosa ny ambiny. Tanjon’izy ireo raha araka ny fanazavan-dRamatoa Alijimmy, Ratsirarson, mpandrindra nasionalin’ny mpilatsaka an-tsitrapo eto amintsika mba hampitana amin’ny tsirairay ny maha zava-dehibe ny fiandrianam-pirenena raha eo ihany koa ny mba hahafahan’ny rehetra manao fety amim-pilaminana. Marihina moa fa mbola hanome rà maimaim-poana ihany koa ireto mpilatsaka an-tsitrapo ireto ny 16 jona ho avy izao, mandritra ny fankalazana ny andro maneran-tany ho an’ny fanomezan-dra izay hatao etsy Anosy.

Pati