Politique

Fetim-pirenena samy naka ho azy Henatra sy fahafaham-baraka ho an�ny FAT

Politique
Talata 28 Jona 2011

Tsy misy fiatoana fa nitohy omaly avy hatrany ny hetsiky ny Rodoben�ny Malagasy ho an�ny Tanindrazana ao amin�ny Magro Behoririka.

Niezaka ny mpitarika nanazava ny sain’ny mpitolona izay nisy niroaroa saina ihany manoloana ny fisian’ireo ambasadaoro vitsivitsy tonga tao Mahamasina ny 26 jona teo. Tsy zava-baovao anefa ireny zava-niseho ireny, satria ireo niatrika ny rangopohy ilay sori-dalana nampanaovin’ny Dr Leonardo Simao teny Ivato ny 09 martsa 2011 ihany no tonga tao. Ny amin’izay hoe midika fankatoavan’ny fianakaviambe iraisam-pirenena ny fitondrana FAT ve ny fahatongavan’izy ireo dia nampahatsiahy ny mpandray fitenenana tao amin’ny Magro omaly, fa an-tsoratra no milaza izany saingy tsy nisy izany hatreto. I Andry Rajoelina rahateo nilaza fa tsy mila ka tsy maika amin’izany fankatoavana iraisam-pirenena izany.

Tsy azo adinoina fa henatra sy fahafaham-baraka lehibe ho an’ny FAT ny nankalazana ny fetim-pirenena tao anatin’ny fizarazarana tamin’ity 2011 ity, fa tsy Malagasy niray hina. Ny Depiote Henri Randrianjatovo dia nanamafy ny nambaran’ny Filoha Marc Ravalomanana nandritra ny fankalazana fetim-pirenena teo, fa efa nankinina tamin’Andriamanitra ny tolona hatramin’izay ka apetraka eo am-pelatanany ny hoavy. Tsy tongatonga ho azy rahateo ny fihetsiky ny FFKM tsy nipoitra tao Mahamasina ny 26 jona teo, hoy Ralaiseheno Guy Maxime.

Manohy