Politique

FAT - SMM Mihenjan-droa ny tady

Politique
Alarobia 06 Oktobra 2010

Tampina ny daomy, hoy ny tanora izay, raha ny zava-misy eo anivon�ny fitsarana no jerena. Nirava maina ny dinika naharitra ora roa teo amin�ny biraon�ny SMM, notarihin�ny filohany Arnaud Auguste Marius sy Razanamahasoa Christine, ministry ny fitsarana teny Faravohitra omaly.

Nanohy ny fitokonany ny mpitsara. Nikatso ny asa teny Anosy omaly. Raha ny tao Toamasina aza dia 100% ny fanarahan’ny mpitsara ny fitokonana. Vao mainka naharomotra sy nahasorena azy ireo ny tenin’ny ministry ny fitsarana midika fandrahonana sy ny teny aely ataon’ny fitondrana FAT fa voabaikon’ny politika ny hetsiky ny SMM. Hanao fivoriambe ny SMM anio, ary voalaza fa ho avy eny hampita ny hafatr’i Adry Rajoelina ny ministry ny Fitsarana. Handefa iraka manokana ao Toamasina koa ny ministera anio hitondra taratasy avy amin’ny ministra Razanamahasoa Christine izany izy ireo, ary hiezaka ny hamono afo. Nilaza anefa ireo mpitsara mitokona fa “raha ‘réquisition’ ny taratasy dia misy fepetra efa horaisina, ary tsy hijanona ny raharaha fa hifampitory eny anivon’ny Filankevi-panjakana. Raha hamono afo fotsiny kosa dia efa mazava ny fangatahana, soniavo ny didy fampiharana ireo didim-panjakana momba anay dia mijanona ny grevy”. Ho hita eo anio raha ampy rano hamonoana afo ny FAT na vao mainka hanampy solika handrehitra ny afo efa miredaka eo anivon’ny fitsarana.

ENCADRE

Namoaka fanambarana ny fitsarana tampony teto Antananarivo, araka ny fivorian’izy ireo ka toy izao ny votoatin’ny fanambarana “ny mpitsara ao amin’ny fitsarana tampony ‘cour de cassation, conseil d’etat, cour des comptes’ izay nanao ny fivoriambe androany (omaly talata 05 oktobra) dia manao izao fanambarana izao : tsapanay fa mitombina, ara-dalàna ‘ordonnance n°2005-005 ny 22 martsa 2006’ ary ara-drariny ny fitakian’ny sendikan’ny mpitsara Malagasy (SMM). Amin’ny tany demokratika dia miralenta ny fahefana telo dia ny fahefana mpanao lalàna, ny fahefana mpanatanteraka, ny fahefana mpitsara. Ny mari-drefy ahitana izany dia ny fisarahana sy ny fifandanjan’ireo fahefana telo ireo ary ny fanajana izany. Araka izany dia toherinay ny fanapahan-kevitry ny ministra handray fepetra mandrangaranga sazy”.

Jean D.