Politique

Faritra DIANA Tsy misy manaiky hiala ireo Ben�ny tan�na

Politique
Zoma 01 Oktobra 2010

Nivory maika tao Ambilobe ireo Ben’ny tanàna ao anatin’ny Faritra DIANA ny faran’ny herinandro lasa teo. Ny Ben’ny tanànan’Antsiranana ambonivohitra, Johary Alibay, no nitarika ny fihaonana. 15 amin’ireo Ben’ny tanàna miisa 62 no tonga tamin’io. Ny fifidianana Ben’ny tanàna kasain’ny FAT hatao ny 20 desambra 2010 no votoatin’ny fihaonana. Araka ny fepetra napetraky ny FAT dia tsy maintsy mametra-pialana roa volana mialoha izay ben’ny tanàna am-perinasa te hirotsaka amin’io fifidianana io. Mandà izany ireto Ben’ny tanàna ireto. Ny fepetra teo aloha, dia ny fisintahana vonjimaika amin’ny fisahanana ny asa maha Ben’ny tanàna, iray andro mialoha ny fampielezan-kevitra ary miverina mandray ny asa aorian’ny fifidianana mandra-pisy ny famindram-pahefana amin’izay Ben’ny tanàna voafidy eo, no mety amin’izy ireo.

Jean D.