Politique

Fankatoavana iraisam-pirenena Nanantena tsy nisy indray ny FAT

Politique
Zoma 17 Septambra 2010

Mavesatra amin’ny FAT ny zava-misy ankehitriny. Raha noheveriny sy ny Raiamandreny Mijoro, mpikarakara ny fihaonambem-pirenena sady irany rahateo, fa handeha mora foana ny fanatanterahana ny fivoriana teny Ivato dia betsaka ny tsy nampoizina “surprises” niandry azy ireo.

Nikomy ny mpizaika sasany, mila hifandramatra sy ho vaky ady ny hafa. Nisavoritaka ny fandrindrana sy fandaminana ankapobeny. Zara raha voadinika sy nahazoam-baliny ireo hevitra fototra handrafetana ny lalàmpanorenana. Tsy maintsy mahita vokatra anefa. Natao tefy maika avokoa ny ambiny sisa. Fa ny manahirana azy koa anefa dia ny fisosok’ilay taratasin’ny SADC tamin’ny alalan’i Joaquim Chissano ny 10 septambra teo, izay ho sakana lehibe amin’ny hahazoan’ny FAT fankatoavana iraisam-pirenena, nefa efa nandrandraina fatratra tamin’ny nanaovana ity fihaonambem-pirenena ity.

Jean D.