Politique

Fanelanenana amin�ny krizy Mitombo ny tsindry mihatra amin�ny CNOSC

Politique
Zoma 29 Oktobra 2010

Misoko mangina ny fihaonan’ny CNOSC, izay efa nahazo ny tso-dranon’ny fianakaviambe iraisam-pirenena handray an-tanana ny fanelanelanana hampifanatonana ny herivelona politika samihafa eto amin’ny tany sy ny firenena. Tsy mora ny asa miandry ny CNOSC satria mivoatra andro aman’alina ny raharaha eto an-toerana, indrindra taorian’ny nananganan’ny Fahefana Avon’ny Tetezamita ny Kongresy sy ny Filankevitra ambonin’ny tetezamita raha ny teto an-toerana, ary ny fihaonamben’ny Vondronan’ny tany mampiasa amin’ny ampahany na manontolo ny teny frantsay na Frankôfônia, raha ny any ivelany. Misy ny mitsivalana ny mbola hanatanterahana io fampihaonana io, indrindra ireo nahazo toerana. Na izany aza dia mitombo koa ireo maneho fahavononana hiverina an-databatra boribory hifampidinika, fa latsaka an-katerena ny firenena. Raha ny feo mandeha dia mialoha ny 17 novambra no hisian’ny fampihaonana ireo ankolafy politika samy hafa, ka raha tsy miova dia any Nosy Be no hanatanterahana izany.

Nangonin’i Jean D.