Politique

Fandraisana ny frankofonia Hanao asa fanadiovana ny Faritra Analamanga

Politique
Sabotsy 12 Novambra 2016

Hanentana ny mponina sy hanao asa fanadiovana goavana eto an-drenivohitra ny Faritra Analamanga tarihin-dRakotonanahary Ndranto hanomboka anio sabotsy ho fandraisana am-pilaminana ny frankofonia izay hotanterahina eto amintsika ny 21 ka hatramin�ny 27 novambra ho avy izao.

Hiarahany amin’ireo distrika enina misy ny hetsika ka any amin’ny Boriborintany fahenina misy an’Ambohimanarina no hisantarany izany anio maraina, hihazo ny digy hipaka hatrany amin’ny Boriborintany voalohany. Ankoatra izay dia ho hentitra ihany koa izy ireo amin’ny fitandroana ny fandriampahalemana. Hisy mantsy ny fananganana ny vaomieran’ny fandriampahalemana eny ifotony izay ahitana olona folo isam-pokontany. Hozaraina badge sy telefaonina tsirairay izy ireo ny alatsinainy ho avy izao hahafahana mifandray aminy. Nomarihin’ny lehiben’ny Faritra Analamanga Rakotonanahary Ndranto moa fa tsy amin’izao fandraisana ny frankofonia izao ihany no hanaovana ny asa fanadiovana fa mila mandray ny andraikiny ny tsirairay.

Pati