Politique

Partagé sur :
• facebook

Naneho ny heviny mikasika ny toe-draharaham-pirenena ankehitriny i Savaron Malala, ilay renim-pianakaviana efa fantatry ny maro tamin’ny asa fanaovan-gazety no sady efa in-droa nilatsaka ho Ben’ny tanànan’Antananarivo tamin’ny taona 2003 sy 2007.

 Nambarany fa anisan’ny vahaolana tokana no sady mahomby ho an’ny firenena amin’izao krizy lalim-paka izao ny fananganana ireo rafitra roa vaovao dia ny fahefana mpitsara sy ny fahefana mpampahalala vaovao, izay fahefana hahaleotena fa tsy baikon’ireo fahefana hafa ankoatra ireo rafitra roa efa misy. Diso manjaka tokana loatra mantsy ireto farany, araka ny fahitan’i Savaron Malala azy ihany. Ankoatra ity fananganana rafitra vaovao ity dia nambarany koa fa anisan’ny zavatra tsy ampy eto amin’ny firenena ireo fifanampiana sy ny fanampiana ary ny fifankatiavana na ny ilay 3F. 3F izay mampianatra ny tsirairay avy hahay hanome sy hizara ho an’ny hafa ihany koa fa tsy hanao ampihimamba hatrany izay azony ho an’ny tenany samy irery. Io toe-tsaina io, hoy ihany i Savaron Malala no anisan’ny mampirongatra ny tsy fandriampahalemana izay iainan’ny vahoaka ankehitriny. Tsy mahay mizara ireto tokony hanao izany ka manetsika ny hambom-pon’ny sasany ary mitarika ireto farany hanaotao foana. Nambaran’i Savaron Malala ihany koa fa anisan’ny vahaolana haingana hiverenan’ireo mpanao politika lasa sesitany eto amin’ny firenena sy ireo gadra noho ny heloka tsy nataony ny fijoroan’ireto rafitra roa vaovao ireto.

Pati

sary : Nandritra ny resadresaka nifanaovan’i Savaron Malala, tamin’ny mpanao gazety omaly

Tia Tanindrazana

Samia mijoro ho an'i Gasikara.