Politique

Fanatsarana ny lalam-pifidianana Adihevitra mikatona ho an�ny olom-pirenena

Politique
Zoma 28 Oktobra 2016

Tsikera maro no azon�ny CENI (Commission Electorale Nationale Ind�pendante) tamin�ny fikarakarana sy fanomanana ny fifidianana loholona ny volana desambra 2015.

Tsy nanana afa-tsy roa volana anefa ny Vaomieram-pirenena mahaleotena momba ny fifidianana, hoy ny filohany Rakotomalala Hery. Olana goavana tsikaritra ary efa nitondran’ity rafitra voalohany misahana ny fifidianana ity fanamarihana moa ny tsy firindran’ireo didy aman-dalàna mifehy ny fifidianana eto Madagasikara. Izany indrindra no anton’ireo atrikasa samihafa fakan-kevitra natao tamin’ireo hery velona isan-tsokajiny toy ny fiarahamonim-pirenena sy ny fianakaviamben’ny tontolo politika. Nitohy tamin’ny fandraisana ireo tolo-kevitra avy amin’ireo andrimpanjakana sy rafitra mijoro ara-dalàna eto amin’ny firenena kosa ny dingana nanomboka omaly. Manana adidy sy andraikitra amin’ny fanatsarana ny lalam-pifidianana rahateo ny besinimaro, araka ny notsindrian’ny lehiben’ny CENI tamin’io fotoam-panokafana teny amin’ny hotely Colbert Antaninarenina io. Mikatona ho an’ny olom-pirenena mpisehatra voalohany amin’ny fifidianana anefa ny adihevitra nambara ho misokatra ho an’ny rehetra.

Ramano F.