Politique

Partagé sur :
• facebook

Miha mahasarika ireo tanora avara-pianarana amin’izao fotoana izao ny fanaovana politika sy ny resaka manodidina azy.

 Tanora vitsivitsy nanaraka adihevitra politika tetsy Ampandrana, omaly, no indro maneho ny heviny.

Julie Odile, mpianatra haifiarahamonina

Ankehitriny ny tanora dia efa tokony hanapa-kevitra amin’ny hoavin’ny firenena sy ny tsirairay. Tokony handray fanapaha-kevitra ho vonona hiatrika ny asa ny tanora ankehitriny. Tsara raha miditra an-tsehatra ao anatin’ny raharaha politika ny tanora ary manadihady ary miasa. Izany hoe, mandray anjara sy mitarika ny tanora namana handray anjara ihany koa.

Heriniaina Randriamalala, mpandrindra fandaharan’asa ho an’ny tanora

Amin’izao fotoana izao isika dia miaina ao anaty kihon-dalana lehibe ahafahana milaza fa ny tanora no mandray an-tanana ny zavatra rehetra izay tokony hatao eto amin’izao tontolo izao satria ny 2/3-n’ny mponina eto an-tany dia tanora avokoa. Ny famoronana rehetra eto dia saika tanora avokoa no nanao azy, ny fihavaozana rehetra ihany koa ary kelikely eo dia ho tanora avokoa ny mpitondra. Miha mahita aho fa betsaka ny tanora manana fomba fijery haitarika na “sens de leadership” ary tena mandray anjara amin’ny tandrify azy any amin’ny fiarahamonina misy azy avy. Ny lesoka fotsiny dia marefo ny fananana an’izay amin’ny tontolo politika. Ahoana no ahafahan’ny tanora manapa-kevitra ho amin’ny hoaviny ?  

Erik Randriarimalala, filohana fikambanana

Vitsy ny mpisehatra politika tena nandalo tamina fiofanana ara-politika dia lasa mivaona ka tonga amin’ilay hoe politika politisianina no hita eto. Ny mpisehatra politika izany, indrindra ny tanora, dia tsara raha mba mandalo fiofanana mikasika izay farafaharatsiny. Ny andraikitra andrasana dia ny fandraisana anjaran’ny tanora eo amin’ny resaka fikarohana amin’izay lafiny izay. Ny fidirana anatina fikambanana no fandraisana andraikitra voalohany indrindra.

Nangonin’i Mirija

Tia Tanindrazana

Samia mijoro ho an'i Gasikara.