Politique

Fampiantsoan�ny Bianco �Azo samborina izay tsy tonga�

Politique
Alakamisy 02 Martsa 2017

Mbola ny 65% amin�ireo tompon�andraiki-panjakana no tsy nahavita ny fanambaram-pananany raha ny tatitra farany nataon�ny Bianco,

ka nanomezan’ity sampandraharaha miady amin’ny kolikoly ity fe-potoana fanampiny 3 volana. Tsiahivina fa 6 volana ka hatramin'ny 5 taona an-tranomaizina miampy lamandy 50 ka hatramin'ny 200 tapitrisa ariary ny sazy miandry ireo tsy mahavita. Raha ny lalàna vaovao dia isaky ny 2 taona no tsy maintsy manao fanambaram-pananana ny olom-panjakana voakasika ka amin’ity taona 2017 ity no tokony hanaovana izany ary amin’ny taona 2019 ny manaraka. Ny fitsarana, ny sampandraharahan’ny ladoany sy ny hetra no tena ambany ny taham-panaovana azy, raha ny tatitry ny Bianco. Nambaran’ny talen’ny Bianco fa tsy misy ambonin’ny lalàna ary tsy maintsy hatao famotorana avokoa fa ao anatin’ny fanajana lalàna. Rehefa misy olona hanaovana fanadihadiana sy famotorana kanefa tsy mamaly dia azo atao ny misambotra azy. Mahalasa saina ny maro ihany anefa ny mikasika ny raharaha nahasaringotra an’i Claudine Razaimamonjy noho ilay resaka fanodinkodinana volabe 390 tapitrisa ariary, izay efa nampanantsoina in-droa kanefa tsy namaly ny antson’ny Bianco, kanefa mbola miriaria ankehitriny.

Toky R