Politique

Famoriana mpanao politika ataon�i Andry Rajoelina Tsy handray anjara ny Tiako I Madagasikara

Politique
Zoma 06 Aogositra 2010

Hentitra ny fanazavan’i Mamitiana Fabergé Gabriel, depiote voafidy tao Bekily, tamin’ny anaran’ny antoko Tiako I Madagasikara, fa tsy mandray anjara ary tsy mandefa solontena na iraka hamonjy ny fivorian’ny mpanao politika araka ny fampiantsoan’i Andry Rajoelina hatao eny amin’ny Lapam-panjakana Iavoloha anio zoma 06 aogositra 2010 ny antoko Tiako I Madagasikara. Amin’ny anaran’ny tenany manokana fa tsy iraky ny TIM na misolotena ny antoko raha misy olona mandray anjara amin’izany fivoriana izany, hoy ity Parlemantera mpikambana ao amin’ny ankolafy Ravalomanana. Notsipihiny mazava fa ny fivoriambe ihany amin’izao no rafitra manapa-kevitra na manendry izay ho solontena na iraka ivelan’ny TIM, ankoatra ny fanomezan-dalana omen’ny filoha mpanorina ny antoko, Marc Ravalomanana.

Jean D.