Politique

Elia Ravelomanantsoa Mifangaro ny laharam-pahamehan�ny FAT

Politique
Alarobia 07 Aprily 2010

Miha sahirana sy tena miha mahantra ny Malagasy, hoy i Elia Ravelomanantsoa, filoha nasionalin�ny antoko Madagasikarantsika.

Manoloana izany indrindra dia manao antso avo amin’ny olom-pirenena rehetra ity antoko ity mba handray andraikitra hiatrehana ny hamafin’ny fiantraikan’ny krizy. Araka ny fanazavana dia mifangaro ny laharam-pahamehan’ny Fahefana Avon’ny Tetezamita (FAT). Natao an-kilabao hatrany, hoy i Elia Ravelomanantsoa ny resaka sosialy sy fandriampahalemana. Eo amin’izay resaka fandriampahalemana izay ihany dia soso-kevitra no nambarany ny amin’ny tokony hanaparitahana ireo miaramila mbola tavela any amin’ny toby any hijery ny fahasahiranan’ny olona izao dieny izao. Raha tiana ihany koa ny hisiana fiandrianam-pirenena dia mila ampy sakafo ny vahoaka. Ny zava-misy ankehitriny anefa, hoy ny filohan’ity antoko dia ny iainana androany tadiavina rahampitso. Manoloana izany dia tokony hisy hiteny sy hijoro.

Nangonin’i Soa