Politique

Dr Jean Louis Robinson Tsy mbola tapa-kevitra ho kandida amin�ny 2018

Politique
Alarobia 05 Aprily 2017

Fanatsarana ny kaominina Ampasikely mba tsy ho mena-mitaha amin�ireo kaominina manerana ny nosy no tena ilofosako, hoy ny dokotera Jean Louis Robinson, raha nanontaniana mahakasika ny fifidianana Filoham-pirenena amin�ny 2018.

Nambarany fa miandry ny fivoriana izay hotanterahana ireo antoko maromaro mivondrona ho amin’ny fanajana ny fototra maha repoblika ny Madagasikara ny fanapahan-kevitra mahakasika izay ho kandida filoham-pirenena amin’ny taona 2018. Tsy maintsy hojerena ny olona mendrika sy vonona hampanjaka ny fahamarinana. Fanavotana ny kaominina Ampasikely sy ny mety ho fanampiana ny kaominina manodidina no hezahako tontosaina amin’izao, hoy ny filoha nasionaly ny antoko AVANA dokotera Jean Louis Robinson. Mbola ho ankamantatra, araka izany, ny filatsahana na tsia ho kandida filoham-pirenena an’ity kandida laharana faharoa tamin’ny fifidianana filoham-pirenena 2013 ity.

Niry A