Politique

Donak�afo : Mitaintain-dava

Politique
Alarobia 26 Desambra 2012

Ity no krismasy farany iarahantsika ato anatin�ny tetezamita, hoy i Andry Rajoelina nanoloana ireo mpiara-miasa aminy ao amin�ny prezidansa ny alatsinainy 24 desambra teo, fotoana natokan�izy mivady hizarana fanomezana ho an�ny mpiasa sy kilalao ho an�ny zanaky ny mpiasa.

Na tsy nivantana aza ny filazany dia efa endrika fanaovam-beloma no nataony. Samy miandry izay ho fanapahan-keviny marina mikasika ny filatsahan-kofidiany na tsia amin’ny fifidianana filoham-pirenena hatao amin’ny 8 mey 2013 moa ny rehetra. I Andry Rajoelina izay hita ho efa niomana fatratra ho amin’izany, tamin’ny efa nisalorany samboady fanaon’ny filoha voafidim-bahoaka nanomboka ny 21 martsa 2009, nitohy tamin’ny fanovana lalàmpanorenana ka namerana ho 35 taona ny fe-taona farany ambany ahafahana milatsaka hofidiana ho filoham-pirenena, narahina fanorenana fotodrafitrasa izay efa manomboka tokanana amin’izao. Sanganehana anefa i Andry Rajoelina ankehitriny, rehefa nilaza ampahibemaso ny filoha teo aloha Marc Ravalomanana fa tsy ho kandida. Noho ny tsy fananany fahasahiana manapa-kevitra sy hiteny dia ataony mitaintain-dava eo ireo mpomba azy.

Britto