Politique

Distim Boriborintany I Mikarakara hatrany ny tanora

Politique
Alatsinainy 19 Septambra 2016

Tsy mitsahatra mikarakara tanora eny amin�ny Faritra iva mba tsy hironan�izy ireo amin�ny zavatra tsy mahasoa, araka ny toromarika nomen�i Dada Ravalomanana filohan�ny antoko

, ny Distim eny amin’ny Boriborintany I tarihan’ny filohany Rakotomamonjy Philippe. Atao tsy tapaka ny hetsika, hoy ity mpanao politika ity, mba ahafahana manampy an’ireo mpitaiza sy ireo ray aman-drenin’ireo tanora ireo mikolokolo ny toe-tsaina tsara tokony hananan’izy ireo. Nidina teny amin’ny kianja Ramanandraibe Joseph etsy Antohomadinika III G Hangar ary Rakotomamonjy Philippe sy ireo mpanara-dia azy omaly alahady 18 septambra nanotrona ny famaranana baolina kitra “Foot à 7”, “Tournoi 26 juin” nokarakarain’ny mpikarakara tanora ao amin’ny III G Hangar izay notontosaina teny an-toerana ka nifanatrehan’ny ekipan’ny Fc Zandrikely sy ny Fc Mailaka samy avy ao amin’ity fokontany ity. Ity farany no nibata ny fandresena tamin’ny isa 1-0 ka nandroaka ny omby natao amboara niaraka tamin’ny baolina filalaovana iray sy amboara kalisy iray ihany koa. Ondry sy baolina filalaovana iray kosa no natolotra ny ekipa faha-2 dia ny Fc Zandrikely.

Ntsoavina Evariste