Politique

Dinika Santatra Maneho ny ahiahiny ireo mpizaika tao Toliara

Politique
Zoma 06 Aogositra 2010

Namory mpanao gazety tao Toliara izy ireo nanaovany tatitry ny zava-nisy nandritra ny Dinika Santatra tao an-toerana sy ny hevi-dehibe nivoitra tamin’izany. Nambaran’i Manjarimana Mahazoto, Hery Jacques, Evaharane Torimana ary i Liboire nandritra ity fihaonana ity fa ny famotsoran-keloka faobe, famoahana ireo gadra politika rehetra na sivily na miaramila, tanterahina ny fampihavanam-pirenena, ny fananganana governemanta iraisana mba tsy hisy ny olana eto amin’ny firenena ary ny fanokafana ireo radio sy televiziona nakatona no tapaka nandritra ny Dinika Santatra tao Toliara. Natao izao fampahafantarana izao, hoy ireto mpizaika ireto, satria misy olona vitsivitsy hitondra amin’ny fomba ankolaka ny hevitra tinapaky ny mpizaika tao Toliara tamin’iny Dinika Santatra iny. Nanao fanambarana an-tsoratra mihitsy moa izy ireo tamin’izany.

Nangonin’i Jean D.