Politique

Partagé sur :
• facebook

Taorian'ny fitarainan'ny mpamboly eny Ambohimanarina vokatry ny orambe niseho tampoka ny sabotsy 15 oktobra lasa teo ka nahadifotra ny

 lemaka dia nandray andraikitra avy hatrany ny depiote TIM ao amin’ny Boriborintany faha-6 eo Antananarivo Renivohitra, Rasoanoromalala Marie  Horace, amin'ny fijerena ny vahaolana hanenana ny rano nandifotra ny ketsa nidina teo amin'ny “Station de Pompage” ary nanampy olona hanala ny tsikafona teo Ambodimita. Notohizana tany Antanjondroa misy ny “Barrage” mitazona ny rano ao Andriantany ny hetsika. Vokatry ny fanampahan-kevitra sy ny fifanakalozana teo amin'ny mpiasan'ny APIPA sy ireo mpamboly vary ao amin'ny Lemak'Iarinarivo dia novahana ilay “Prise d’eau” ao Vahilava manary ny rano mankany Imamba eo ambony kelin’ilay “Radier” Ampanindromana izay simba ka mitarika ny tondradrano eto Iarivo rehefa fahavaratra. Mpanao lalàna no asan’ny solombavambahoaka nefa akaiky vahoaka tanteraka izy ireo ka rehefa misy manahirana ny voahoaka dia tsy mitazam-potsiny amin’ny asa mahasoa homena azy ireo ny depiote. Amin’ny maha mpikambana ao amin’ny antoko TIM azy koa dia miezaka manome tanana ny kaominina Antananarivo Renivohitra tantanan’ny ben’ny tanàna TIM koa ny depiote Rasoanoromalala Horace no manome lanja ny hafatry ny filohan’ny antoko TIM, Marc  Ravalomanana, amin’ny tokony hijeren’ireo olomboafidy ifotony ny vahoaka nametraka azy teo amin’ny toerany.

 Ntsoavina Evariste

Tia Tanindrazana

Samia mijoro ho an'i Gasikara.