Politique

Depiote Ravahimanana Guillaume Nitodidoha amin�ny vahoakan�i Soamahamanina

Politique
Alakamisy 06 Oktobra 2016

Iray amin�ireo olona voatonontonona fa mpomba ireo teratany sinoa avy amin�ny orinasa Juxing Mines mikasa hitrandraka ao anatin�ny fotoana maharitraritra ihany any amin�ny tan�nan�i Soamahamanina ny depiote TIM Ravahimanana Guillaume voafidy tany amin�ny distrikan�i Miarinarivo Faritra Itasy.

Azo ambara fa tsy nohenoin’ny olona mihitsy ny teniny nilaza fa tsy mikatsaka afa-tsy ny tombontsoam-pirenena amin’ny fifanarahana amin-dry zareo sinoa. Naely mihitsy aza ny feo fa hoe tsy mandraharaha ny vahoaka nifidy azy ity solombavambahoaka ity fa hoe nahazo tombontsoa manokana tamin’ireo sinoa. Nohon’ny fivoaran’ny toe-draharaha any Soamahamanina ankehitriny dia tsapa fa niverina amin’ny heviny tanteraka ka lasa nitodidoha amin’ny vahoakan’i Soamahamanina ingahy depiote Guillaume ka nandefa fanambarana an-gazety fa : “ Na inona na inona antony, na inona na inona tombontsoa na fantiantoka mety ho azo amin’ny fitrandrahana volamena ataon’ny Sinoa any Soamahamanina, dia tsy voamarina mihitsy ny herisetra atao amin’ny vahoaka monina any an-toerana. Manao antso avo amin’ny rehetra, na ny mpitandro ny filaminana, na ny fanjakana, na ny orinasa sinoa Juxing Mines na koa ny vahoakan’i Somahamanina, ny tenany mba ho tony fa mbola misy, hoy izy, ny azo dinihana miaraka sy hifanarahana am-pilaminana..

Ntsoavina Evariste