Politique

Depiote Jules Andriamaholison Tokana ary miray hina ny TIM

Politique
Alatsinainy 13 Septambra 2010

Rakotra sarin�ny filoha Ravalomanana ary koa sorabaventy samihafa an�ny antoko Tiako i Madagasikara tao Behoririka ny sabotsy 11 septambra teo. Nisy ny hetsika niavaka, tsy toy ny mahazatra nataon�ny Ankolafy Telo tamin�io.

Nisy ny filaharambe nataon’ny mpitolona nitanjozotra niditra ny kianjan’i Magro, niaraka tamin’ny sorabaventy sy famantarana samihafa. Ny depiote Jules Andriamaholison, voafidy tamin’ny lisitra Tiako i Madagasikara tao amin’ny Boriborintany voalohany no nanazava ny antony nanaovana ity hetsika ity, ka nilazany fa hampisehoana eto Madagasikara sy amin’ny any ivelany fa tokana ary miray hina ny Tiako i Madagasikara ary tsy mivaky ao anatin’ny Ankolafy Telo. Nohamafisiny koa fa «tsy misaraka amin’ny filoha Marc Ravalomanana ny Tiako I Madagasikara». Nambarany fa santatra ihany ny tamin’ny sabotsy 11 septambra iny satria ireo no tratra antso. Niverimberina nandritra ny hetsika tamin’io sabotsy io fa mpirahalahy mianala ny Tiako I Madagasikara sy ny Ankolafy Telo. Tetsy andanin’izay dia mitaky ny hanokafana ny radio Fahazavana ihany koa ny depiote Jules Andriamaholison. Raha mbola mikatona io onjam-peo io, hoy izy dia tadidio fa manetsina ny feon’Andriamanitra ianareo.

Nangonin’i Jean D.