Politique

Depiote Hery Raharisaina �Tsy ireny no hampatahotra ahy !�

Politique
Alakamisy 19 Aogositra 2010

Adiny efatra teo ho eo no naharetan�ny famotorana nataon�ny mpitsara zokiolona ny solombavambahoakan�i Voh�mar (SAVA), Dr Hery Raharisaina ny talata 17 aogositra lasa teo tetsy amin�ny fitsarana Anosy.

Tia Tanindrazana (T.T) : Inona no votoatin’ny famotorana natao anao ?

Hery Raharisaina (H.R) : Ny raharaha FIGN no nanadihadiana ahy tao. Nisy maromaro ny vesatra niampangana ahy, izay tsy mitombina velively. Izaho, hono, no nanome vola avy tamin-dRavalomanana omena ny kolonely Raymond, namonjy fivoriana tsy nahazoana alalana, nampaniraka nampanao barazy. Nivadibadika teo ny resaka ka izay no nampaharitra efa ho ora efatra ny fanadihadiana ahy.

T.T : Nanao ahoana ny fizotry ny fanadihadiana ?

H.R : Nilamina tsara ny fifandraisanay. Matihanina be ilay madama zokiolona. Be dia be ny fanontaniana fandrika nomeny ahy. Nametraka fanontaniana lalindalina betsaka koa izy. Resaka psikolojia moa izany no betsaka e !

TT : Hitondra fiovana eo amin’ny depiote Raharisaina ve iny trangan-javatra iny ?

HR : Namoaka ary mamoaka sy hamoaka ny hevitro ara-politika anie aho e ! Tsy hampatahotra ahy na dia fampihorohoroana aza ireny natao ahy ireny. Tsy ataoko hampiova na hampatahotra. Mitohy foana ny tolona mandra-pahazo fandresena.

T.T : Mirona amin’ny fitadiavam-bahaolana eo amin’ny samy Malagasy ny SADC, ahoana kosa no fahitan’ny depiote an’izay ?

H.R : Hatramin’izay tsy mbola nisy dinika fitadiavam-bahaolana ka tsy hoe Malagasy samy Malagasy. Ankolafy iray ihany no teny Ivato, dia ambaran’izy ireo fa firehana hafa, ka dia teraka ny ankolafy faha-5. Rehefa hanao fifampidinihana aloha dia tokony hisy fitoniana ara-politika, avoaka ny gadra politika, atsahatra ity ramatahora sy fisamborana ny tsy mitovy hevitra amin’ny tena ity, tokony ho afaka haneho hevitra malalaka ary mahazo vahana amin’ny haino aman-jerim-panjakana. Ankoatra izay dia olona tokony hahatapaka no hivory. Iza moa no mahatapaka ? Tsy ireo filohan’ny ankolafy ve ?

Nangonin’i Soa