Politique

CT Rakotomandimby D�sir� sy Ambositra II �Endrika fanosoram-potaka fotsiny�, hoy ny Ben�ny tan�na mpisolo toerana

Politique
Alarobia 03 Aogositra 2011

Manoloana ireo resaka an-gazety mahakasika ny CT Rakotomandimby Désiré, Ben’ny tanàna ny Kaominina Ambositra-II teo aloha, dia nanamafy sy nilaza ny zava-misy marina tamin’ny mpanao gazety tao Ambositra ny alatsinainy 01 aogositra teo ny Ben’ny tanàna mpisolo toerana, Razafindrainibe Dominique. Nambaran’ity farany fa endrika fangalàm-baraka sy fanosoram-potaka manampahefana ranofotsiny ny voalazan’ilay olona mitonona ho mpanara-maso ny fiainam-pirenena ao Ambositra ireo. «Tsy mitsabaka amin’ny fitantanana ny Kaominina Ambositra II intsony io mpikambana ao amin’ny Kongresin’ny tatezamita io ary tsy mitazona ny fanalahidin’ny biraon’ny Kaominina. Tsy mbola nisy koa antontan-taratasy very tao amin’ny Kaominina sy fanesorana ity CT ity ao amin’ny tranony», hoy Razafindrainibe Dominique. Ampiasain’ny mpitantana sy ny mpiasan’ny Kaominina hatramin’izay ny môtô ao ary mipetraka ao amin’ny biraon’ny Kaominina io môtô io fa tsy ao amin’ny tranon’ny CT velively. Tsy mbola nandoa vidin-jiro sy rano lanin’ity CT ao Ambositra II ity ny Kaominina, araka ny nambaran’ny Ben’ny tanàna mpisolo toerana ihany.

Rado