Politique

Constant Raveloson �Efa miparitaka ny ankolafy Rajoelina�

Politique
Alarobia 12 Mey 2010

Hetsika goavana no hanamarihan’ny ankolafy Madagasikara ny 13 mey ny alakamisy ho avy izao. “Herinandro mahamay” no tanjona, araka ny fanazavana. Tsy vitan’i Andry Rajoelina intsony ny fitondrana ny firenena, hoy Raveloson Constant avy amin’ny antoko MFM, avy amin’ny ankolafy Ravalomanana. Izay lazain’i Lafrantsa no arahin’ny TGV, araka ny fanazavany. Kanefa, hoy Raveloson Constant dia sangy ratsin’i Lafrantsa izany fifidianana izany. Tetsy an-danin’izany moa dia nanentana ny vahoaka teny amin’ny kianjan’ny fanantenana Tanjombato ny tenany mba hanome antoka an’i Andry Rajoelina rehefa hiala izy, eo koa ny resaka fanafoanan-keloka. Raha izao zavatra hitantsika izao, araka ny fanazavana ihany dia hita fa dia karazan’ny tsy misy intsony ny ankolafy Rajoelina izay karazan’ny efa somary miparitaka avokoa. Hitohy etsy amin’ny kianjan’ny finoana Behoririka ny hetsiky ny ankolafy telo amin’ity anio ity.

Nagonin’i Soa