Politique

Constant Raveloson �Avoahy ny gadra, atsaharo ny gidra !�

Politique
Alakamisy 29 Aprily 2010

Na ny erika nifafy na ny masoandro nidanika dia tsy nanakana ireo Malagasy tia tanindrazana tsy ho eny amin’ny kianjan’Alarobia omaly. Saika hita teny avokoa ireo lohandohan’ny mpisorona avy amin’ireo ankolafy 3 sy ireo fikambanana isan-tsokajiny notronin’ireo vahoaka marobe. Ny nampiavaka ny omaly dia niditra nivantana tamin’ny alalan’ny antso an-tariby avy any Pretoriaa ny filohan’ny delegasion’ny ankolafy Ravalomanana, Fetison Rakoto Andrianiriana. Tamin’izany no nilazany fa ao anatin’ny asa tanteraka ireo ankolafy tsirairay avy ary dia antenaina ny hisiana vahaolana. Efa am-bolana maromaro no tsy nandrenesana an’i Constant Raveloson. Tsy misy afaka hiala amin’ny fifanarahan’i Maputo eto, hoy izy. “Tapi-dalan-kaleha ny sokina nanani-bato. Tapitra ny lalan’ny setrasetra, andao hiroso amin’ny lalan’ny repoblika, fanjakana iaraha-mitondra, tsy misy mpanjaka na amperora”. Nanao antso avo tamin’ireo vehivavy rehetra very asa koa ny tenany, ireo tantsaha, ireo mpiasam-panjakana manoloana ny fahatongavan’ny 1 mey, tsy hanaiky lembenana. Misy dingana vitsivitsy tokony harahina manomboka eto, hoy ity mpitari-tolona avy amin’ny MFM ity dia ny famoahana ireo gadra, ny fampitsaharana ny gidra ary ny fampitsaharana ny fanenjehana. Misongadina amin’izao fa ny hery tsy mahaleo ny fanahy.

Soa