Politique

Camille Vital Handrehitra afo �

Politique
Alarobia 31 Martsa 2010

Nanao ranolava ny fanehoan-kevitry ny mpanao politika sy ny mpitondran�ny Fahefana Avon�ny Tetezamita, manoloana ny trangan-javatra niseho ny andron�ny 29 martsa 2010 nisiana savorovoro teo Ambohijatovo, nandritra ny lanonana fanamarihana ny tsingerintaona faha-63 ny tolom-panafahan�ny 1947.

Ny andaniny nilaza fa fotoana nisehoan’ny fitiavan-tanindrazana teo amin’ny Malagasy ny nitranga teo Ambohijatovo, ary manaporofo fa tsy ny Malagasy manontolo no mankato ny Fahefana Avon’ny Tetezamita, tarihin’i Andry Rajoelina. Ny ankilany indray tsy nahita afa tsy ny nanamelohana ary nanondro ny ankolafy telo ho tsy manaja raiamandreny, ka dia handraisany andraikitra. Nampiantso mpanao gazety teny amin’ny Lapan’ny Praiminisitra eny Mahazoarivo i Camille Vital, nilazany fa handray fepetra hentitra ary nanome toromarika ny zandary izay mandray an-tanana ny fanadihadiana. Nolazain’i Camille Vital fa nisy mpaniraka ireo mpanao fihetsiketsehana teny Ambohijatovo, ary avy any ivelany ny mpampirisika. Handrehitra afo ny FAT raha izany, ary dia ho zava-poana ny fahatoniana politika eto an-tanàna ao anatin’izao herinandro masina izao.

Nangonin’i Jean D.