Politique

Botozaza Pierrot Manaja ny fitsipiky ny antoko ny tenako

Politique
Alakamisy 24 Janoary 2013

Ny fampodiana ny filoha Marc Ravalomanana aloha izao no ady atrehan�ny ankolafy mpanohana azy ka tsy mbola misy resaka ny momba izay olona hisolo azy amin�ny fifidianana filoham-pirenena araka ny nambaran�ny praiminisitra lefitra misahana ny toekarena sy taozava-baventy, Botozaza Pierrot.

Rehefa tafaverina an-tanindrazana ny filoha Ravalomanana no manambara izay kandidan’ny ankolafy ; «izay kandida izay no tohanan’ny ankolafy sy ny vahoaka manohana azy», hoy hatrany izy. Momba ny resabe mandeha milaza fa mety hirotsaka kandida filoham-pirenena amin’ny anaran’ny ankolafy Ravalomanana i Botozaza Pierrot dia nilaza izy fa nijanona ho mpanohona ity filoha teo aloha ity hatrany ny tenany na teo aza ny fanenjehena azy ary mbola vonona amin’ny fiaraha-miasa aminy tamin’ny alalan’ny fanekeny natolotra ho praiminisitry ny marimaritra iraisana sy amin’ny fidirany ao anatin’ny governemantan’ny firaisam-pirenena. Nampiany fa olona manaja ny fitsipiky ny antoko izy ka tsy olana aminy koa raha olon-kafa no tendren’ny filoha Marc Ravalomanana kandida filoham-pirenena.

Yves