Politique

Antsirabe Nord - Fifidianana ben�ny tan�na Efa misy ireo manomana olona ho amin�izany

Politique
Alakamisy 30 Septambra 2010

Hiatrika ny fifidianana izay ho Ben’ny tanàna ny Malagasy atsy ho atsy. Efa misy sahady ireo Kaominina izay miomana amin’izany, anisan’ireny ny any Antsirabe Nord, izay any amin’ny distrikan’i Vohémar. Ny faran’ny herinandro teo ary, dia nisy ny fivorian’ireo sokajin’olona samihafa izay teo ambany fiahian’ireo raiamandreny to teny eo an-tanàna, izay antsoina hoe Tangalamena. Tanjona tamin’ity fivoriana ity moa ny haminavinana izay olona tokony harotsaka ho Ben’ny tanàna.

Nambaran’ireo mpikarakara ity fivoriana ity moa fa anisan’ireo kaominina izay tara aoriana ity kaominin’Antsirabe Nord ity, ka izany no tena ifantenana izay olona tokony hampandroso ny tanàna.

Etsy an-danin’izay, dia hita ho tsy misy mpiresaka firy io fifidianana Ben’ny tanàna io raha tsy ireo izay akaikin’ny fitondrana ihany. Ho an’ireo mpanao politika ivelan’ny fitondrana, dia mahita izy ireo fa mbola fitondrana ny firenena any amin’ny savorovoro ihany ny firesahana io fifidianana Ben’ny tanàna io, ary mbola fanapahan-kevitr’olon-tokana ihany.

Rabe