Politique

Andry Rajoelina - Edgar Razafindravahy Mifaninana maka ny fon�Antananarivo

Politique
Alarobia 27 Oktobra 2010

Tsy mitsahatra mitety Fokontany ny PDS Edgar Razafindravahy tato ho ato. Ny resaka sosialy no niompanan’ny diany fa navalona kely mihitsy aloha ny tsena. Nampanantenaina fa hamboarina ny teny Andravoahangy raha vao voatendry izy fa niherina ihany ny taona tsy hita. Noresahiny halamina i Behoririka, Petite Vitesse sy Analakely, fa ny eo ihany no eo. Ny kalamita (hala) indray aza no migalabona ao amin’ilay Tsena Fitiavana misy rihana eo amin’ny Petite Vitesse. Hanakonana izany rehetra dia makamaka ny fon’ny olona amin’ny fanampiana sosialy indray, mifaninana amin’ny Tsena Mora an’i Andry Rajoelina. Mifanao fangalapiery aza ny fahitana azy roalahy. Midina an-tsaha ny iray, dia misitrika mangina ny iray. Tonga tampoka indray ny andaniny, dia manarangarana ny ankilany. Vary, menaka, savony, ronono mora vidy mitobaka eny amin’ny Tsena Mora. Kahie, fanamboarana sekoly, fizakana ny karaman’ny mpampianatra FRAM kosa an’ny Kaominina. Mifaninana maka ny fon’Antananarivo.

Jean D.