Politique

Andro voalohan�ny fivoriana Depiote maro no ningitrika sahady

Politique
Alarobia 19 Oktobra 2016

Hifantoka amin�ny fandinihana ny volavolan-dal�na momba ny komitim-pirenena momba ny fampihavanana sy ny tetibolam-panjakana 2017 ny parlemanta izay nanomboka nivory omaly. Haharitra 60 andro ity fivoriana ara-potoana faharoa ity.

Nangataka ny tokony hampitomboana ny tetibola ampiasaina amin’ny lafiny ara-tsosialy ireo solombavambahoaka teny Tsimbazaza omaly, izay vitsivitsy no tonga nivory moa. Niantso ho amin’ny fitoniana sy ny fihavanana kosa ny filohan’ny antenimieram-pirenena Jean Max Rakotomamonjy. Aleo mikaroka vahaolana amin’ny alalan’ny fifampiresahana foana, hoy izy. Hivory anio maraina ny birao maharitra. Amin’ny tolakandro kosa dia hisy ny fivorian’ireo filoham-baomiera ka aorian’izay vao ho fantatra ny tena fandaharam-potoana marina eny amin’ny antenimieram-pirenena. Somary nahagaga ihany ny nahita seza maro tsy nisy olona teny Tsimbazaza omaly kanefa dia efa am-bolana maro no fantatra ny daty hanombohan’ny fivoriana ara-potoana faharoa. Maro be ireo depiote tsy hita popoka.

RTT