AMF

3FM Tsy fitiavan-tena no hitondrana ny firenena

Politique
Alarobia 08 Septambra 2010

Tsy mitombina fa letrezana ny fanaovana fihaonambem-pirenena ny 13 septambra ho avy izao, hoy ny rév. Andrianalijohn Andriamanampy nanoloana ny mpanao gazety omaly. Tsy tokony hatao toy izao, hoy izy ny fitondrana ny firenena, indrindra taorian’ny fanonganam-panjakana. Famadihana ny firenena hiverina amin’ny fanjanahantany no tadiavina hatao, hoy ihany i Satrobory nanamafy. Tsy misy fitoniana politika eto amintsika, hoy izy, kanefa hoe hifampidinika. Ho an’ity antoko ity izay ao anatin’ny Union for Democratic Process, ao anatin’ny ankolafy Ravalomanana ihany koa dia mila fiaraha-manoman’ny hery rehetra izany fihaonambem-pirenena na koa fitsapan-kevi-bahoaka izany hahazoana fankatoavana iraisam-pirenena, hiala amin’ny fahantrana vokatry ny fanonganam-panjakana. Tsy amin’ny alalan’ny fitiavan-tena, hoy i Satrobory no hitondrana ny firenena. Ho azy ireo dia anisan’ny fepetra takiana mialoha izay ho dinika hatao ny famoahana ireo gadra rehetra sy ny fiverenan’ireo sesitany.

Nangonin’i Soa