Politique

Ambatondrazaka Miandry mpitari-tolona tena sahy !

Politique
Alarobia 26 Mey 2010

Tahaka ny any amin’ireo faritra hafa dia mba miandrandra ny fahatongavan’ireo mpitarika ny hetsiky ny ankolafy 3 any aminy ihany koa ny vahoakan’Alaotra araka ny vaovao voaray avy any an-toerana. Misy ihany isan’andro ny fihaonana sy fivoriana eo amin’ireo mpitolona izay tsy manaiky ny fijoroan’izao tetezamitan’ankolafy tokana izao, saingy somary miafinafina sy mangingina izany ho an’ny ao Ambatondrazaka. Noho ny tsy fisian’ny toromarika hentitra sy mazava moa, ary ny tsy fifandraisana mivantana amin’ireo mpitarika no mahatonga izany, araka ny resaka nifanaovana tamin’ireo mponina tany an-toerana. Ho an’izy ireo dia mpitari-tolona manaitaitra sy tena sahy ary mivantambatana fiteny no tadiavin’izy ireo. Sarotra ihany mantsy ny inoana fa hahomby ny hetsika na ny tolona, araka ny filazan’izy ireo, raha toa ka matahotra sy kanosa ny mpitarika azy. Mikasika ny fanovana ny governemanta ny alatsinainy teo indray, dia tsy manaitra firy ny mponin’Alaotra izany, satria tsy dia misy azo antenaina firy amin’ny fanatsarana ny fiainan’izy ireo, araka ny fanangonam-baovao natao ihany.

RTT