Politique

Ambatondrazaka Efa tsindrindaona miandry an�i Dada

Politique
Alarobia 09 Janoary 2013

Nahavita ny lanonam-pifampiarahabana nahatratra ny taona vaovao 2013, tao amin�ny Akany Fitiavana ny alahady 6 janoary teo, ny Ankolafy Ravalomanana Ambatondrazaka notarihan�ny CT Rasoamalala Odette Brenda.

Nivoaka avy tao anatin’izany lanonana izany ny fiandrandran’ny vahoakan’Ambatondrazaka ny amin’ny fihaonana indray amin’ny Prezidà Marc Ravalomanana eto an-tanindrazana. Efa dodona hamerina ny fampandrosoana nimatimatesana niaraka tamin’i Dada ny vahoaka, hoy ny feo heno tao amin’ity Akany ity. Marihina fa maromaro ireo Tangalamena nanatrika ity lanonana ity izay nankasitraka tanteraka ny tsy fanadinoana azy ireo amin’ny lanonan’ny Asaramanitra tahaka itony. Tamin’ny teny fohy nentiny no nanentanan’ny CT Brenda an’ireo vahoaka nanotrona ny lanonana hiomana sy ho vonona raha vao antsoina amin’ny fitsenana ny Prezidà Marc Ravalomanana. Nisy koa ny fanentanana ny olona mba hisoratra anarana ao anaty lisi-pifidianana ahazoana miroso amin’ny fifidianana.

Ntsoavina Evariste