Politique

�Alliance D�mocratique� Ahiana ny adim-poko raha �

Politique
Alakamisy 15 Aprily 2010

Niala tamin’ny fahanginany ka naneho ny heviny manoloana ny resabe mandeha amin’izao fotoana izao ny «Alliance Démocratique», ivondronan’ny antoko Teza, MFM, Madagasikara Firaisankina, AMF/3FM, raha namory mpanao gazety tao amin’ny trano fonenan’i Manandafy Rakotonirina ao Ampefiloha omaly. Hentitra ry Manandafy Rakotonirina nilaza fa tsy azo eritreretina ny hisian’ny fihaonana manokana eo amin’ny filoha Marc Ravalomanana sy i Andry Rajoelina, any Johannesbourg araka ny feo miely. Ny fisisihana hanatanteraka izany fihaonana manokana izany dia midika ho fanilihana ny filoha roa, izay voafidim-bahoaka ary manana ny mpomba azy, Didier Ratsiraka sy ny Pr Zafy Albert. Naneho ny ahiahiny ny «Alliance Démocratique» nilaza fa ahiana mafy ny adim-poko eo anatrehan’izany satria tsy ho vitsy no handray izany ho raharahan’ny samy Merina. Mikasika ny tetezamita indray dia nambaran-dry Manandafy fa tsy azo irotorotoana io, toy ny tamin’ny andron’i Guy Willy Razanamasy, izay niverenan’izy ireo notsiahivina, ka namoahana ny «Livre Blanc» tamin’izany. Nanamafy izy ireo fa dia ny satan’i Maputo sy Addis Abeba ihany no lalana hivoahana amin’izao krizy izao.

Jean D.