Politique

Alemaina Manamafy ny tsy fankatoavany ny fitondran�i Andry Rajoelina

Politique
Alatsinainy 15 Novambra 2010

Ny 04 novambra lasa teo dia nisy ny fihaonana teo amin’ny Filoha Marc Ravalomanana tamin’ireo delegasiona parlemantera alemaina izay notarihin’i Hartwig Fisher sy ny ambasadaro alemaina ao Afrika Atsimo, Dieter W. Haller. Tao Pretoria no nanatanterahana izany, nandinihana manokana sy niresahana betsaka ny zava-misy eto Madagasikara. Nanamafy àry ireo delegasiona alemaina ireo fa tsy hankato mihitsy ny fitondran’i Andry Rajoelina. Tetsy andaniny anefa dia nilaza izy ireo fa manohana ny ezaka ataon’ny SADC amin’ny famahana ny olana.

Nandritra izany fotoana izany dia nanamafy ny Filoha Marc Ravalomanana fa tsy handray anjara amin’ireo fifidianana karakarain’ny FAT satria dia mandeha ila izany, tsy hampirisika ny vahoaka hanao ENY na TSIA ihany koa fa hanao sy hihevitra izay fifidianana karakarain’ny FAT ho toy ny tsy misy.

Nampanantena kosa ny delegasiona alemaina fa hiezaka hanome fanampiana amin’ny famahana izao olana izao ka hisy fivoriana maika hatao any Alemaina ato ho ato.

Nangonin’i Jean D.